Европалық құсықшөп

(Еуропалық құсықшөп бетінен бағытталды)

Европалық құсықшөп (лат. Аsarum europaеum) - жиренше тұқымдасы құсықшөп туысына жататын өсімдік.

Европалық құсықшөп

Ғылыми топтастыруы
Дүниесі: Өсімдіктер
Тұқымдасы: Жиренше тұқымдасы
Тегі: Құсықшөп (Аsarum)
Түрі: Европалық құсықшөп
Екі-есімді атауы
Аsarum europaеum

Ботаникалық сипаты өңдеу

 
  • Тамыр сабағы жатаған, тармақталған. Оның бір жылдық жатаған бұтақтары сопақ қабыршақты, ұзындығы 10-25 см.
  • Жапырағының ұзындығы 3-8 см, ені 4-10 см, бүйрек тәрізді, қысқа тығыз түк басқан.
  • Түсі қою жасыл, кейіннен қоңыр түске еніп, келесі көктемге дейін қар астында сақталады да, жазда түсіп қалады. Ұзын түкті астау тәрізді сағағы бар.
  • Гүлдері ұзындығы 1-2 см болатын төмен қарай иілген гүл сағағына біріккен. Гүлсерігі қошқыл қоңыр, түкті, сопақша. 12 аталығы аналық мойынының айналасына шоғырланған, қысқа жіпшелері, ұшында ұзын біз тәрізді өзегі бар тозаңдығы болады. Аналық мойны алты қырлы, бас жағы кеңейеді де, онда аналық аузы орналасады.
  • Тұқымы аздап қабысқан, жұмыртқа тәрізді, ұзындығы 3-3,5 мм, қатпарлы келген. Сәуір-мамыр айларында, қар ерігеннен кейін гүлдейді, бірақ оның күңгірт түсті гүлдері жапырақтарының астында болатындықтан көбіне байқалмай қалады.
  • Тұқымынан көбейеді, онда аздап майлы өскіні болады, жәндіктер соны жеп әр тұқымын таратады.

Өсетін орны мен таралуы өңдеу

Ресейдің еуропалық бөлігінде, Батыс Сібірде, Қазақстанда Жалпы Сырт, Көкшетау қыраттарында, Алтай тауларында, көбінде орманда өседі. Халық медицинасында дәрілік мақсатта қолданылады. Өсімдік улы, одан дайындалған дәріні шамадан тыс пайдаланса, уланып қалуға соқтырады. [1]

Дереккөздер өңдеу

  1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5