Жабы

Жабы, жабы жылқысы – байырғы қазақы жылқысының бір түрі.

Сипаты

Қазақстанның оңтүстік-батыс және оңтүстік-шығысында өсіріледі. Денесі ірі, басы дөрекілеу, мойны қысқа, омыраулы, кеудесі кең, жоны жалпақ сауырлы, құйрық-жалы қалың әрі ұзын, денесі тығыз, етті болады. Салт мінуге де, жегуге де ыңғайлы. Әдетте торы және жирен түсті, сұр көк болады, қара түстісі сирек кездеседі. Алыс жолға төзімді.

• Айғырының шоқтығына дейінгі биіктігі - 144,8 см, тұрқы - 152 см, кеуде орамы - 179,1 см, жіліншік орамы - 19 см, орташа салмағы - 600 кг.
• Биесінің шоқтығына дейінгі биіктігі - 143 см, тұрқы - 149 см, кеуде орамы - 178 см, жіліншік орамы - 187 см; ораташа салмағы - 550 кг.

Жабы Қазақстанның көптеген шаруашылықтарында ет үшін өсіріледі. Жайылымда жүргеннің өзінде әр биеден тәулігіне 11 — 15 л сүт саууға болады. Жайылымда семірген жабыдан 230 — 250 кг таза ет түседі.