Жазира Сайлауқызы Байырбекова
Жазира Сайлауқызы Байырбекова — қазақ эстрадасының әншісі.
| Жазира Байырбекова | |
| Толық аты |
Жазира Сайлауқызы Байырбекова |
|---|---|
| Туған күні |
30 қыркүйек 1978 (46 жас) |
| Мемлекет | |
| Мамандығы | |
Өмірбаяны
өңдеуҚоңырат тайпасының Құлшығаш руынан шыққан.[1] 1978 жылы 30- қыркүйекте Түркістан облысының Бөген ауданына қарасты Мақташы елді-мекенінде дүниеге келген. Жазира бастауыш сыныптағы кезінен бастап домбыра шертіп, ән айтып, көзге түскен. Мектептің домбыра оркестрінде ойнап, аудан, облыс көлеміндегі байқауларға қатыса бастады.
1992 жылы Алматы қаласына «Тамаша» ойын- сауық отауының кешіне арнайы шақырылды. Алғаш рет көгілдір экран арқылы қазақ әлеміне халық әні «Сәулем-ай»-мен танылды. Одан соң Тынышбай Рахымовтың «Кеш жарық» бағдарламасына қатыстырылып, әпкесі Ләззат Байырбековамен бірге дуэтте және ағасы Ербол, әпкесі Ләззат болып триода ән орындады.
Арыс қаласында орта мектепті бітірген соң, Жазира Алматы қаласындағы Жүсіпбек Елебеков атындағы эстрадалық цирк училищесінде оқыған.
2002 жылдан бастап жары Жанболат Ербатыровпен дуэт болып, эстрада әлеміне енді. 2010 жылы Қазақ мемлекеттік қыздар педагогикалық университетін бітіреді.
Алғашқы репертуары Жазираның туған ағасы Ербол Байырбековтың «Сүйгеніңді бағала», «Арманым», тағы басқа әндерімен басталған. Бүгінгі күні репертуарында әр түрлі жастағы тыңдарманға арналған елуден астам әндері, жиырмаға тарта бейнебаяны бар.
Марапаттаулары
өңдеу- «Қазақстанның мәдениет қайраткері» белгісімен марапатталған.