Жалақ

Жалақ - терінің үстінгі қабатының немесе органдарының кілегей қабағының зақымдануы. Жалақ ыстық, суық, жарақаттанудың, ішкі органдар бөлген сұйық заттардың т. б. әсерінен пайда болады. Түрлі органдардың қабыну процесі де жалаққа шалдықтыруы мүмкін. Жалаққа әсіресе, жатыр, жатыр мойны, асқазан кілегей қабығы, ерін т. б. мүшелер жиі ұшырайды. Жалақ болған жері әуелі қызарады, онда ішіне сұйық толған кішкене бөртпелер пайда болады. Ауру асқынғанда бөртпелер жарылады да, жалақ жараға айналады. Емі: дәрігердің рұқсатымен антибиотиктер ішу, жалақ болған жерді бор қышқылының ертіндісімен тазалап, күйдіру және арнайы май дәрі жағу. Санаторийлерде емделу де пайдалы.

Дереккөздер

Қазақ Совет Энциклопедиясы, Алматы, 1974ж., 4том, 231бет.