Жалюз

Жалюз, (терезекүнқағары) (фр. jalousie — «қызғаныш»)— үйге түсетін жарықты реттеуге арналған, күн сәулесінен, жаңбырдан (кейде шаң-тозаңнан) қорғау үшін терезенің сыртқы жағынан ұсталатын көп жармалы қақпақтар мен перделер. Кереге көзді жалюздердің желдеткіш тесіктері ауа толқынын реттеп тұрады. Жалюздер әдетте 45 градусқа еңкейтіле жабылған металл немесе ағаш жақтаудан бір-біріне 4—5 см қашықтықта қатарластыра орналастырылған қауырсынға ұқсас жалпақ пластинкалардан тұрады. Кейде перде-жалюздер де қолданылады, олар терезенің ішкі жағына ілінеді. Мұндай жалюздердің жақтауы болмайды; оның жұқа қаңылтырдан немесе пластмассадан жасалған жеке бөліктері шыжым жіппен немесе ызылған баумен бекітіледі.