Жамбай ЖШС

Жамбай - жауапкершілігі шектеулі ceріктестік (ЖШС), "Қазақойл" Ұлттық мұнай компаниясы" жабық акционерлікқоғамның Директорлар Кеңесінің шешімімен 1999 жылдың 7 сәуірінде Каспий теңізі қазақстандық секторы қайраңының Оңтүстік Жамбай - Оңтүстік Забурунье бөлікшесінен 100%-дық үлеспен көмірсутектерді барлау, игеру және өндіру мақсатында құрылған. "Жамбай" ЖШС Атырау әділет басқармасында 1999 жылдың 26 мамырында тіркелген. Бул жоба бойынша жұмыстар Қазақстан Республикасының 1998 жылдың 5 мамырындағы қаулысына, 1999 жылдың 11 тамызындағы берілген АИ №1558 (Мұнай) лицензиясына, қосымша компаниялар болып табылатын "Жамбай" ЖШС мен ҚР Энергетика және минералдық ресурстар министрлігі арасында өнімді бөлу туралы 2001 жылдың 26 желтоқсанында жасалған келісімге сәйкес жүргізілуде. "Оңтүстік Жамбай-Оңтүстік Забурунье" теңіз жағалауы маңындағы бөлікше Каспий теңізінің қазақстандық секторының солтүстік бөлігінде орналасқан. Бөлікшенің ауданы - 941 км², судың тереңдігі 5 м-ге дейін, әкімшілік бағыныштылығы тұрғысынан Атырау облысына қарайды. Атырау қаласынан шығысқа қарай 130 км қашықтықта орналасқан. 2002 жылдан бері лицензиялық аумақта 2Д сейсмикалық барлау жұмыстары жүргізілуде.