Жамбыл облыстық мұрағаты

Жамбыл облыстық мұрағаты — Тараз қаласындағы тарихи құжаттар сақталған арнаулы мекеме. 1939 ж. қазан айында аудандық мемлекеттік мұрағат негізінде ұйымдастырылған. Әулиеата уездік рев. комитетінің, уездік атқару комитетінің қорларында Әулиеата қ. мен уездік өнеркәсіп орындарын мемлекет меншігіне алу, Жетісу темір жолының салынуы, алғашқы мәдени құрылыстар, Қазақстан мен Қырғызстан шекарасын межелеу, Тұрар Рұсқыловтың бастапқы қызметі, т.б. туралы құжаттар жинақталған.

Мұрағат қоры

Мұрағатта уездік азық-түлік комиссиясының, уездік кеңестің, жергіліктң шаруашылық, өнеркәсіп, жоспарлау мекемелерінің, уездік, болыстық жер бөлімдерінің , облыстық, аудандық, ауыл шаруашылығы басқармаларының, жекелеген ұжымшалардың мен кеңшарлар, халық ағарту, денсаулвқ сақтау мекемелерінің қорлары бар. Мемлекетаралық Талас суландыру жүйесінің салынуы, елді мекендерді сумен қамтамасыз ету, Талас, Күркіреу, Аса өзендері суларын Қырғызстанмен бірлесіп пайдалану, арналар қазу жұмыстарына байланысты деректерді табуға болады.

Мұрағатта 1938 ж, отрағасырлық Тараз қаласын қазу кезінде табылған құнды құжаттар сақталған. Сондай-ақ, мұнда Жамбыл облысынан шыққан Кеңес Одағы Батырларына қатысты құжаттар өлкенің экономикалық, мәдени даму тарихына қатысты бейне құжаттар жинақталған. Мұрағат қолдарынан қажетті мәліметтерді іздеп табу үшін арнайы ғылыми анықтамалық әдебиеттер қоры 1,5 мыңға жуық. Жамбыл облысы мұрағатында 393 мыңнын астам іс сақталған. Қаратау қалалық бөлімшесі, 8 ауд. бөлімшелері бар. Құжаттардың хронологиясы 1917 жылдан басталады.