Жампоз

Жампоз (лучшая особь чистокровного двухгорбового верблюда) - ата-енесі таза тұқымды айыр түйенің тұлғасы сұлу да сымбатты, мінезді, жүріске шыдамды да мықты ең тәуір мақтаулысының ортақ атауы.

Мысалы: Жампоз атан - құс тұмсықты, шудалары шұбатылған, тік, тең өркешті, ұзақ жолда табаны тозбайтын, қолтығы терлемейтін мықты және мыңқ етпес шыдамды атан. Сондай-ақ Жампоз бура мен Жампоз інгеннен туған, дене бітімі көзге ерекше сұлу көрінетін тік, тең қос өркешті, құс тұмсық барынша сүйкімді бота.