Жандосов көшесі (Алматы)

Жандосов атындағы көше. Көшеге қазақтың елжанды ұлы, мемлекет қайраткері Ораз Қыйқымұлы Жандосовтың есімі (Алматы қаласы атқару комитетінің 05.12. 1964 №71 шешімі) берілген. Жандосов Ораз Қыйқымұлы (1899-1937) Алматы облысының Қаскелең (қазіргі Қарасай) ауданында дүниеге келген. Верный гимназиясын бітірген.

Көше шығыстан батысқа қарай Байзақов көшесінен басталып, Саин көшесіне дейін созылып жатыр. Көше Бостандық және Алмалы аудандарын қиып өтеді. Ол қаладағы ірі магистральдардың бірінен саналады. Бұрынғы атауы: Қарғалы жолы. Кешенін ұзындығы - 3400 метр.

Көше бойында Қазақ басқару академиясы, Қазақ санитарлық-техникалық жобалау институты, Орталық болат конструкциялар жобалау институты, Қазақ су-канал жобалау институты, сондай-ақ «Богатырь» және «Өнер» дүкендері орналасқан. 1969 жылы көшенің Гагарин даңғылымен қиылысқан жерінде Ораз Жандосовтың ескерткіші орнатылған. Мүсіншісі - И.С.Журавлев, сәулетшісі - Т.Сүлейменов.[1]

Дереккөздер өңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0