Жантөрин атындағы көше (Алматы)

Жантөрин атындағы көше. Көшеге аса дарынды актер, қазақ кино өнерінің жарық жұлдызы, театр тарланы, Қазақстанның халық артисі - Нұрмахан Сейтахметұлы Жантөриннің есімі (Алматы қаласы мәслихатының 24.12.2003 №26 шешімі мен Алматы қаласы әкімшілігінің 26.12.2003 №5/764 қаулысы) берілген. Жантөрин Нұрмахан Сейтахметұлы (1928-1990) Батыс Қазақстанда дүниеге келген. Ол 30-ға тарта кинофильмдегі, ондаған спектакльдердегі басты кейіпкерлерді сомдаған.

Көше Әуезов ауданында орналасқан. Әділов көшесінен басталып Саттарханов кшесіне дейін созылып жатыр. Мырзағалиев, Мұхамеджанов, Шайкенов, Сұлтан Бейбарыс көшелерін қиып өтеді. Бұрынғы атауы - 18-ші линия көшесі. Көшенің ұзындығы - 937 метр.