Жанудың түрлері

Толық жану

Реагенттер оттегінің әсерінен жанатын және жану өнімдері аз мөлшерде қалатын жанудың түрі. Жанудың нәтижесінде қарапайым тотықтар пайда болады. Мысалы, көміртегі көмірқышқыл газын, ал азот тотығын және т.б. түзеді.

Толық жанбау

Оттегінің мөлшері жеткіліксіз болған кезде жанудың осы түрі болады. Оттегінің жетіспеушілігі көмірқышқыл газы мен судың түзілуіне кедергі болады.

Бықсу

Төмен температурада баяу және жалынсыз жанатын толық жанбаудың түрі. Мұндай жану кезінде зат конденсацияланған фазадағы отынның бетіне оттегінің тікелей әсер етуінен жалынсыз жанады.

Жылдам жану

Жанудың бұл түрі көп мөлшерде жылу энергиясы мен жарық бөліп бөліп, жалындап жанатын от ретінде белгілі. Осы жағдайда кей кезде көп мөлшерде газ бөлінеді, соның нәтижесінде, күшті шу шығаратындай қысым түсіріледі. Жанудың мұндай түрін жарылыс деп атайды. Іштен жану қозғалтқыштары және термобаралық қарулар сияқты механизмдерде жылдам жану қолданылады.

Турбулентті жану

Нәтижесінде турбуленттік (құйынды) жалын туғызатын жану түрі турбуленттік деп аталады. Бұл жану түрі жануды күшейту үшін отынды тотықтандырғыштармен араластыру процесінде қажет, ол өнеркәсіптік мақсатта, мысалы, газ турбиналарында және т.б. қолданылады.

Баяу жану

Төмен температура кезінде болатын жанудың түрін баяу жану деп атайды. Бұл - ішкі жану, ол жылудың көмегімен материалдың белгілі массасын жағу арқылы затты тотықтандырады.

Жану процесін қолдану

1. ) Газтурбина: газ турбинасында жылу ағынының энергиясын пайдаланып, айналмалы қозғалыс жасайтын қозғалтқыштарды қолданады.
2. ) Іштен жану қозғалтқышы: қозғалтқыштың ішінде іштен жану процесі жүреді. Мысалы, автомобильдің бензин поршеньді қозғалтқышында толық жану бу қозғалтқыштарындағыдай сыртында емес, қозғалтқыштың ішінде жүреді.