Жапал
Жапал, цинанхум (лат. Cynanchum) – кендірлер тұқымдасына жататын көп жылдық шөптесін өсімдіктер туысы. Дүние жүзінде 5 түрі белгілі. Қазақстанда барлық облыстардың ылғалды жерлерінде, өзен бойларында, бұталар арасында, кейде арамшөп ретінде өсетін 1 түрі – сібір Ж-ы (С. sіbіrіcum) бар. Сабақтары тік, кейде өрмелеп өседі. Жапырақтары жүрек тәрізді, өркенге қарама-қарсы орналасады. Гүлдері бес мүшелі, қызыл, қызғылт түсті, шатырша гүлшоғырына топталған. Маусым – шілде айларында гүлдеп, тамыз – қыркүйекте жемістенеді. Жемісі – жапырақша дара, ұршық тәрізді, сырты тегіс. Тұқымының айдаршасы болады. Дәрілік өсімдік тұнбасын өт ауырғанда, іш өткенде ішеді.
| Cynanchum | ||||||||||||||||
|---|---|---|---|---|---|---|---|---|---|---|---|---|---|---|---|---|
 In the foreground, Cynanchum aphyllum
| ||||||||||||||||
| Ғылыми топтастыруы | ||||||||||||||||
| ||||||||||||||||
| түрлері | ||||||||||||||||
|
300 түрі белгілі |