Жарасбай Қабдоллаұлы Сүлейменов

Жарасбай Қабдоллаұлы Сүлейменов 1949 жылы 9 шілдеде Солтүстік Қазақстан облысы Сергеевка ауданының Балуан ауылында туған. Қазақ.

Жарасбай Қабдоллаұлы Сүлейменов

Әкесі - Сүлейменов Қабдолла. Анасы - Сүлейменова Бағира.

Петропавл педагогикалық институтын бітірген (1981), тарих және қоғамтану пәнінің мұғалімі.

Қазақ және орыс тілдерін біледі.

«Нұр Отан» ХДП мүшесі (2006 жылдан).

1966 жылдан - СҚО Сергеевка ауданының «Семипольский» кеңшарының шопаны, механизаторы. 1969 жылдан - Кеңестер Армиясы қатарындағы қызметте. 1971 жылдан - Солтүстік Қазақстан облыстық «Ленин туы» газетінің тілшісі, белім меңгерушісі. 1987 жылдан - Солтүстік Қазақстан облыстық радиосы бас редакторының орынбасары. 1990 жылдан - СҚО бойынша Қазақ радиосының меншікті тілшісі. 1998 жылдан - Солтүстік Қазақстан облыстық телерадио компаниясының комментаторы, директорының орынбасары. 2003 жылдан - Солтүстік Қазақстан облыстық «Солтүстік Қазақстан» газетінің директоры, бас редакторы. 2007 жылдан бері - ҚР Парламенті Мәжілісі «Нұр Отан» ХДП партиялық тізімі бойынша 4-ші шақырылымының депутаты, Әлеуметтік-мәдени даму комитетінің мүшесі.

«Достық» орденімен (2005); «Қазақстан Конституциясына 10 жыл» (2005), «Астананың 10 жылдығы» (2008) медальдарымен марапатталған. Қазақстан Журналистер одағы сыйлығының лауреаты (1986). СҚО Құрметті азаматы (2006).

Әскери атағы - медицина қызметінің аға сержанты. Саяси қайраткер ретіндегі идеалы - Б.А. Әшімов.

Қазақстанның болашағы туралы болжамы - «Қазақстан әлемдік қауымдастықтан әрқашан өз лайықты орынын алатын болады».

Хоббиі - стол үсті теннисі.

Сүйіп оқитын әдебиеті - тарихи әдебиет.

Үйленген. Жұбайы - Сүлейменова Ақжәми Ахметғалиқызы (1951 жылы туған), үй шаруасымен айналысады. Қызы - Дана (1971 жылы туған); ұлы - Олжас (1976 жылы туған).[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2