Жарман

Жарман – Сыпсыңағаш қолатының шығысындағы көл.

Жарман
Морфометрия
Өлшемі	12,8 × 7 км
Ауданы	56,9 км²
Тереңдігі	1-1,5 м
Су алабы
Суды жинау ауданы	1860 км²
Орналасуы
51°35′46″ с. е. 64°27′00″ ш. б.51.59611° с. е. 64.45000° ш. б. / 51.59611; 64.45000
Ел	Қазақстан
Аймақ	Қостанай облысы
Аудан	Науырзым ауданы
Жарман
Жарман

Географиялық орны

Қостанай облысының Науырзым ауданы жерінде, Наурызым қорығы аумағында орналасқан.

Гидрографикасы

Ауданы 56,9 км², ұзындығы 12,8 км, ені 7 км, тереңдігі 1-1,5 м. Су жиналатын алабы (Сарымойын көлімен қоса алғанда) 1860 км². Көктемгі қар, жауын-шашын суымен толығады. Құрғақ жылдары көл кейде құрғап қалады. Су деңгейі жоғары болған жылдары солтүстігінде жатқан Сарымойын, Жаркөл көлімен жалғасып, ауданы 100 км²-лік айдынға айналады.

Жағалау сипаты

Жағалауы қатты тілімденген. Көптеген шығанақтары, түбектері және аралдары бар. Түбі аздап адырлы, қалыңдығы 0,1-0,4 м, лайлы тұнбамен жабылған. Жағалауы ашық, жайпақ, саздақ құмнан түзілген. Солтүстік жағасында қамыс, құрақ өскен. Көлдің жағалауы мен жайылмаларында бетеге, боз, жусан, сораң, шалғынды өсімдіктер өседі. Суында мөңке, алабұға, т.б. балықтар тіршілік етеді. Аққу, бірқазан, қоқиқаз, қаз, үйректер мекендейді. Жағалауы шабындық және мал жайылымы ретінде пайдаланылады.