Жас анатомиясы

Жас анатомиясы - адам мен жануарлар дене мүшелерінің құрылысын, олардың жас ерекшеліктеріне байланысты анықтайды. Жас анатомиясы мәліметтерінің негізінде онтогенез (лат. ontos — заты, мәні; (лат. genesis — шығу тегі) қалыптасады. Онтогенез —жеке организмнің даму тарихы. Онтогенезде организмнің пайда болған (ұрықтану нәтижесінде) кезеңінен тіршілігінің соңына дейінгі мерзім ішіндегі, оның мүшелері мен мүшелер жүйелерінің құрылысы мен даму ерекшеліктері зерттеледі. Онтогенездегі организмнің ұрықтанғаннан бастап, туғанға немесе жұмыртқадан жарып шыққанға дейінгі аралық мерзім ішіндегі қалыптасу, өсу, даму барысындағы дененің құрылысы заңдылықтарын зерттеу — эмбриология (кат. embrion — ұрық) ілімінің үлесіне тиеді. Онтогенездің іштегі даму мерзімін эмбриондық кезең дейді. Ал төлдің туғаннан тіршілігінің соңына дейінгі тіршілік мерзімін постнатальдық (лат. post — кейін, лат. natus — туу) кезең деп атайды. Аталған мерзім адам мен жануарлар организмдерінің өсу, есею, ұрпақ беру, қартаю кезеңдерін қамтиды.