Жаттығу мәнісі

Жаттығу мәнісі — жаттығуды ұйымдастыру мен жүргізудің негізгі мазмүны. Ол картада әңделіп жасалады. Әдетте, жаттығу мәнісінде төмендегілер бейнеленеді; тақырыптар, оқу жаттығуына катысатын әскер құрамы,моторесурстар, оқ-дәрі және имитациялық құралдарының жұмсалу нормасы, бастапкы жағдай, ереже, жаттығу басталғанға дейінгі жоғары құрама жақтардың жауынгерлік міндеттері және әскер топтастығы, олардың басшылығының (командирінің) қимыл мәнісі, үйретілетін әскерлердің бастапқы ауданы, ұрыс қимылдары. Ойналатын және ұрыс атыстары жүргізілетін аудандар, жаттығу кезеңдері, оның мазмұны мен ұзақтығы, әрбір кезеңнің басталуына дейінгі екі жақтың жобалық жағдайы. Жаттығу мәнісіне түсінік хат тіркеледі, онда: жаттығуға шығатын әскердің жауынгерлік және сандық құрамы; жаттығудың негізгі көрсеткіштері, жетекшілер мен делдалдар құрамы, жаттығу жүргізу күнтізбесі, жаттығуға шығу және бітіргеннен кейін қайту тәртібі, сәндай-ақ жаттығу мәнісінде карастырылмаған басқа да мәселелер жазылады.