Жаттығу снаряды

Жаттығу снаряды — жаттығу (оқу-ұрыстық) атысы үшін және зеңбіректерді полигонда сынақтан өткізу үшін қолданылатын қосалқы міндеттегі артиллериялық снаряд. Жаттығу снаряды жеке құрамды (есептоптарды, экипаждарды) үйрету барысында қымбат тұратын ұрыстық снарядтарды алмастыру мақсатында қолданылады. Жаттығу снаряды салмағы, бітімі мен пішіні бойынша негізгі мақсаттағы снарядтарға сай келеді. Конструкциясы қарапайым. Жарғыш заттармен жарақталмайды және тапшы емес материалдардан жасалады. Мысалы, сауыт бұзар снарядты алмастырушы жаттығу снарядының корпусы термиялық өндеуден өтпеген қарапайым көміртекті темірден жасалған тұтас снаряд болып келеді. Атысты дәлдеу үшін снаряд жарқырағыш құрылғымен жабдықталады.