Жаужүрек Әділхан

Жаужүрек Әділхан (14 тамыз 1954 ж.т., Шу ауд. Жиенбет а.) - кәсіпкер, меценант. Алматы халық шаруашылығы институтын бітірген.

Қысқаша өмірбаяны

Алматы қаласындағы "Тигрохауд" фирмасының бас директоры. Жаужүректің басқаруымен, демеушілігімен және де жергілікті тұрғындардың жәрдемімен Шу ауд. Жиенбет ауылында "Жексенбай Дүйсенбетұлы" мешіті, Мойынқұм ауданындағы кезінде, 19-шы ғасырдың аяғында Шу өңіріндегі "Айша" елінің болысы Тілеубағыл Берікұлы салдырған, кейін уақыт тезімен тозып кеткен мешіттің орнына белгі ретінде зияратхана тұрғызылды. 1931-33 ж. нәубет жылдарының, 1937-38 ж. және 2-ші дүниежүзлік соғыстың құрбанадырна арналып, қызыл гранитке есімдері жазылған мемориалдық құлпытас қойылды. Жиенбет ауылындағы Бақтыбай атындағы спорт кешені салынып, "Қойшы баба" қорымының басына қорған тұрғызылып, құлпытас орнатылды. Шу өңірінде Қоқан хандығына қарсы шаруалар көтерілісіне басшылық жасаған Амангелді Серікбайұлы және Жаужүрек Қойшыұлы батырлардың күмбездері тұрғызылды. Жаужүрек Әділхан атақты тарихшы-ғалым, қайртакер Мұхаммед Хайдар Дулатидің Үндістанның Кашмир өңіріндегі Сринагар қаласындағы зиратына барған арнайы Қазақстан делегациясына демеушілік жасады. Ұлы ойшыл бабаның зиратына туған жер топырағы жеткізілді. Сондай-ақ, ондай бейбіт топырағы Тараздағы М.Х. Дулати ескерткішіне әкеліп салынды. Жаужүрек басқаратын "Тигрохауд" фирмасы тарапынан сахна жұлдыздарына, дарынды жас ғалымдарға, әдебиетшілер мен тарихшыларға да демеушілік көмек көрсетіліп келеді.