Жағалау қарлығаштары
Жағалау қарлығаштары - қарлығаштардың ең кішісі. Әдетте бұл қарлығаштар топтанып аспанда үйіріліп айнала ұшып жүреді. Олардың әр тобында жүзге тарта қарлығаш болады. Қыстау қарлығаштары сияқты, бұлар да үлкен аузын арандай ашып, ұсақ жәндіктерді ұшып жүріп, қағып жейді. Жағалау қарлығаштарының мекендері алыстан-ақ байқалады, жағалаудың тік жарынан олардың індерінің ауыздары қарайып көрініп тұрады. Олар індерін диаметрі 5 - 6 сантиметр, ұзындығы 1-2 метр түтік тәріздендіріп қазады. Іннің түп жағын кеңітіп шөп және мамық төсеп ұя жасайды. Оған 5-6 ақ түсті жұмыртқа салады. Олар бір жазда екі рет жұмыртқалайды.
Жағалау қарлығашыөте пайдалы құс. Бұлар көптеген қан сорушы ұсақ жәндіктерді - масаларды, шіркейлерді, шыбындарды құртады. Сондықтан оларды ел қонысына жақындату керек. Ол үшін тұрғын үйлердің маңындағы төбешіктердің бір жақ бетін құлатып, тік жар жасау керек, немесе олардың ортасын жара қазып ор жасау керек. Осылай дайындалған орынды қарлығаштың өздері-ақ көп ұзамай тауып алады да, оған ін қазып, ұя салып мекендейді.
Дереккөздер
өңдеу"Қазақстанның өсімдіктері мен жануарлары".Б. Муханов, Т.Мұсақұлов, Н. Суворов. Қазақтың Мемлекеттік оқу-педагогикалық баспасы, Алматы. 1963