Жақыпбаев атындағы көше (Алматы)

Жақыпбаев атындағы көше. Көшеге қазақ өлеңіне нәзік те сырбаз сезімге, сырлы суретке толы, әсем нақышпен өрнектелген қанық бояулы жырлар әкелген біртуар ақын Жұматай Жақыпбаевтың есімі (Алматы қаласы мәслихатының 6.03.2008 №83 шешімі мен Алматы қаласы әкімдігінің 14.03.2008 №2/139 қаулысы) берілген. Жақыпбаев Жұматай (Жұмағұлшора) Сағадиұлы (1945-1990) Алматы облысы Ескелді ауданы Ешкіөлмес ауылында дүниеге келген. Оның «Саратан» (1979), «Ләйлә» (1981), «Шұғынық гүл төркіні» (1988) жыр жинақтарында туған жердің көркем табиғи, сұлулық тебіреніспен жырланған.

Көше Әуезов ауданындағы «Қалқаман-2» шағынауданында орналасқан. Кешенін ұзындығы - 1200 метр.