Жаңаберген Бітімбайұлы

ЖАҢАБЕРГЕН Бітімбайұлы (1886, Арал ауданы Аманөткел ауылы – 1946, сонда) – жырау. Арабша оқыған. Жасынан өлең-жыр, қисса-дастандарды жаттап, жыраулық өнерді игерді. Суырыпсалма ақын. Жаңаберген ел басқару ісіне де белсене араласқан. «Большевик», «Жаңаталап» ұжымшарларының төрағасы, Орман-тоғай мекемесінің қызметкері болды. Сыр сүлейлері Жиенбайұлы Рүстембек, Жүсіпұлы Мұзараппен, т.б. өнер дүлдүлдерімен шығармалары байланыста болған. Оның әндері ҚР ғылым академиясының М.Әуезов атындағы Әдебиет және өнер институтында мұрағаттану бөлімінде сақтаулы.