Желтау (тау, Атырау облысы)

Желтау – Мұғалжар тауының қиыр оңтүстік-батысындағы оқшау тау сілемі.

Желтау
Сипаттамасы
Тау жүйесі	Мұғалжар тауы
Пайда болған кезеңі	Төрттік кезең, миоцен
Ұзындығы	45 км
Ені	12 км
Биіктігі	221 м
Орналасуы
46°30′54″ с. е. 55°44′52″ ш. б.46.51500° с. е. 55.74778° ш. б. / 46.51500; 55.74778
Елдер	Қазақстан, Атырау облысының Жылыой ауданы жерінде, Солтүстік Үстірт маңындағы Доңызтау тауының батысы
Желтау
Желтау (Атырау облысы) Желтау

 Басқа мағыналар үшін Желтау деген бетті қараңыз.

Географиялық орны

Атырау облысының Жылыой ауданы жерінде, Солтүстік Үстірт маңындағы Доңызтау тауының батысында орналасқан. Абсолюттік биіктігі 221 м, ұзындығы 45 км, енді жері 12 км шамасында.

Геологиялық құрылымы

Желтау төменгі төрттік және жоғарғы миоцен дәуірінің оолитті әктастарынан түзілген.

Жер бедері

Солтүстік шеткейі тіктеу келген, оңтүстігі көлбеуленіп біртіндеп жазыққа ұласады. Сай-жыралармен тілімденген оңтүстігінде Тұрсынбай тоғаны жатыр. Тоғаннан және тау етегінен Жақсы Қарасай өзені бастау алады.

Өсімдігі

Сортаңды сұр топырағында жусан, сарсазан, баялыш, қара сексеуіл өседі. Желтау баурайы маусымдық мал жайылымы ретінде пайдаланылады.