Жемдеу

Жемдеу — малға азық жегізу. Малды ж.-ді алдындағы ақыр не науаға қажетті жемшөп салып, ал жұмыс аттарына тұмсығына арнайы жем салынған дорба іліп азықтандыруға болады. Мал азығының желінуі мен қорытылуын арттыру үшін ж.-ге дейін алдын ала дайындаудан өткізіп, өндеуге болады.

Пішен, сабан, сүрлем, жүгері собығы, күнбағыс күн қағары секілді ірі және көлемді жемшөпті, бүтін дәнді ұсақтау, турау, қыздыру, буландыру, араластыру түріндегі техникалық-физикалық өндеу тәсілдері малдың оларды шаинап, жұтуына жұмсалатын энергиясын үнемдеп, желінуін жеңілдетсе, әкпен, сілті ерітінділерімен химиялық тәсілмен өңдеу желінген азық қорытылымын жоғарылатады, ал жемшөпті не олардың қоспасын ашытқылау түріндегі биологиялық өндеу тәсілі азық құрамын аминқышқылдары және витаминдермен байытады.

Дереккөздер

<Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6