Жемшеп қоректілігі
Жемшеп қоректілігі - (питательность кормов) азықтың мал организмінің мұқтаждығын қамтамасыз ету қасиеті. Желінген азықтың қоректік заттары алдымен малдың тіршілік мұқтаждығын, одан кала берді тиісті өнім өндіру мұқтаждығын қамтамасыз етуге жұмсалады. Желінген азық осы мұқтаждықтарды неғұрлым толық қамтамасыз етсе, соғұрлым оның қоректілігі жоғары болмақ. Бұл алдымен азық пен малға жеткізілген энергетикалық, құрылымдық және биологиялық пәрменді қоректік заттардың көлеміне байланысты болғандықтан, азықтың химиялық құрамы ж.қ.-нің алғашқы көрсеткіші болып табылады. Бірақ азықпен ас қорыту жолына енген қоректік заттар энергия айналып, мал денесінің құрылымдарына енуі үшін қорытылулары, яғни қарапайым қосындыларға ыдырап, қанға сіңіріліп, зат алмасуындағы өзгерістерде игеріледі де, алмасу нәтижесінде дене жылуы мен құрылысына, өнім түзуге, қара жұмыс пен өнім өндіруге жұмсалған энергия шығынына айналады. Демек, ж.қ. желінген азық қоректік заттарының малддан алынатын өнім заттарына айналу, яғни конверсиялану дәрежесімен бағалануы керек. Іс жүзіне ж.қ. мал азығына жұмсалған 1 азық өлшеміне өндірілген өнім мөлшерімен бақыланады.
Ә.Байжұманұлы, К.Бекболатұлы . Мал шаруашылығы сөздігі. Алматы-2011. ISBN 978-601-7254-21-6
| Бұл мақаланың сәйкес санаты қойылмаған. |