Жергілікті ресурстар

Жергілікті ресурстар — жеке мекеменің, кәсіпорынның, есептеу орталығының немесе есептеу желісі торабының ресурстары.

Жергілікті ресурстар — ұрыс қимылдары ауданында (аймағында) орналасқан, әскерлердің (күштердің) өзінің қажетіне жарата алатын материалдык және адам ресурстары. Материалдық ресурстарға азық-түлік, отын, шикізат, жөндеу кәсіпәрындары, энергетикалық куаттылық, емдеу мекемелері, байланыс құралдары, көлік және т.б. жатады. Жергілікті адам ресурсын ұрыс қимылдарына кажетті жұмыстарды орындауға катыстыратын түрғындар құрайды. Жергілікті ресурстарды пайдалану операцияны (ұрысты) қамтамасыз етуді жеңілдетеді және жүк тасымалдау жүмыстарынын көлемін қыскартады. Өткен соғыстардың бәрінде де соғысушы жақтар жергілікті ресурстарды кеңінен пайдаланған. Бірінші дүниежүзілік соғыста соғысушы мемлекеттердің армиялары жергілікті ресурстарды пайдаланудың негізгі тәсілі ретінде реквизицияны және жергілікті түрғындарды жұмысқа күштеп қатыстыруды пайдаланса, Екінші дүниежүзілік соғыста бұл әдістер арнайы нұскаулармен заңдастырылды. Ұлы Отан соғысы кезеңінде жергілікті ресурстар операцияны (ұрысты) дайындау және жүргізу барысында қолданылды. Өндірістік кәсіпорындар әскерлерді (күштерді) жабдықтау құралдарын дайындады, қару-жаракты, әскери техниканы және әр түрлі мүліктерді жөндеу жүмыстарын аткарды.