Жоба:Инкубатор/Минакшиның шексіз келбетті ғибадатханасы

Минакшиның шексіз келбетті ғибадатханасы- Оңтүстік Үндістанның Тамилнад штатындағы Мадурай қаласындағы мүсіндік индуизм ғибадатханасы. Жаңа дәуірден келе жатқан ғибадатхананың көптеген тарихи дәлелдері табылды. 1310 жылы ғибадатхана басқа діндерді жақтырмайтын мұсылман жаулап алушыларымен қиратылған болған. Ғибадатхана XIV ғасырдың соңында Мадурайда индус патшалары қайтадан билікке келген кезде толықтай қалпына келтірілді.

Атауының шығу тарихы

Минакши- аударғанда “балық көзді”, аңыз бойынша, балық көзімен және үш кеудемен туылған Минакши ханшайымның атымен атады. Бала ханшайымға болашақ күйеуімен кездескенде өзінің ұсқынсыздығынан арыласың деп алдын-ала болжаған болатын. Минакши Шива құдайын кездестіріп, оған үйленеді, айтылған болжам орындалады, үшінші кеудесі түсіп қалып, көзі әдемілеп, балық көзді әйел сұлу жарға айналады. Үйлену тойы Мадураи қаласында өтеді.

Ғибадатхана архитектурасы.

Оның бүкіл аумағы 258 м және ені 223 м құрайды. Ғибадатхана ромб түрінде жасалған, шығыстан батысқа қарай созылған және биіктігі 50 м жететін 14 қақпа мұнарасы - гопураммен тәжделген. Барлық мұнаралар түрлі-түсті мүсіндермен, әртүрлі бұйымдармен безендірілген.

Батыс мұнарасының қабырғаларында 730 мүсін бар, ал Шығыс мұнарасы залында Мадурайда Шива жасаған 64 кереметті бейнелейтін мүсіндік композициялар орналасқан. 985 бағанмен бекітілген «Шива Құдайдың мың бағаналы залы» ғибадатхананың басты залы болып саналады. Бағандарда қайталанатын декор жоқ. Залда сан қырлы құдайлардың мүсіндері, Шиваның әртүрлі гипостаздары, бишілер мен музыканттар, көктегі жаратылыстар, жындар мен қасиетті жануарлар бар. Бірігіп, олар индуизм мифологиясының байлығы мен алуан түрлілігін айқын көрсетеді. Ғибадатхананың тағы бір көрнекті орны - суы кез-келген күнәні жуатын қасиетті дәрет алуға арналған «Алтын лотос тоғаны».

Архитектуралық композиция үнді храмдарына тән стильде жасалған. Ғибадатхана шығыстан батысқа қарай созылып жатыр. Ғибадатхананың ішінде Шива-Сундарешвара құдайының киелі орны және оның мүсіндік бейнесі бар. Салтанатты діни күндерде құдайдың мүсіні алтын жалатылған күймеге салынып, ғибадатханадан шығарылады, пілге байланып ғибадатхананың айналасында шеру жасалады. Қазіргі кезде мүсіндер 12 жылда бір рет жаңартылып, қалпына келтіріліп отырады. Ғибадатхананың соңғы реконструкциясы 2009 жылдың наурыз айында аяқталды.

Тарихи шолулар

Бұл ғибадатхана Ежелгі әлемнің жазушыларына Плиний мен Птолемейге ұмытылмас әсер қалдырды, жазушылар оны жылнамаларында атап өтті, ал ұлы саяхатшы Марко Поло ол туралы үлкен кереметпен суреттеген.

Қосымша ақпарат

Ғибадатхананың мекен-жайы: Мадурай, Мадурай Минакши Амман храмы.

Жұмыс уақыты: ғибадатхана аптасына 7 күн 24 сағат жұмыс істейді, оған тек 5: 00-ден 13: 00-ге дейін және 16: 00-ден 22: 00-ге дейін бара алуға болады.

Сиеста уақытымен 13: 00-ден 16: 00-ге дейін.

Сілтемелер

https://ru.wikipedia.org/wiki/%D0%A5%D1%80%D0%B0%D0%BC_%D0%9C%D0%B8%D0%BD%D0%B0%D0%BA%D1%88%D0%B8 https://tonkosti.ru/%D0%A5%D1%80%D0%B0%D0%BC_%D0%9C%D0%B8%D0%BD%D0%B0%D0%BA%D1%88%D0%B8

Дереккөздер

“100 великих чудес света” кітабы, Кубеев М.Н\ басты редактор С.Н. Дмитриев, 255 бет.