Жоба:Инкубатор/Ave Adikus

AVE ADIKUS
	AVE ADIKUS
	[[Сурет:Ave Adikus Түркістанда\|220px\|Сурет]]
Негізгі ақпарат
Туған кездегі есімі	Әшірбек Әділет Абылайұлы
Туған күні	20 қазан 1992 (32 жас)
Туған жері	Қазақстан Тараз
Белсенділік жылдары	2017 - қазіргі уақытқа дейін
Мемлекет	Қазақстан
	Инкубатор/Ave Adikus
Аспаптары	скрипка
Жанрлары	рэп
Лақап аттары	AVE ADIKUS
Марапаттары	Президенттің "Халық алғысы" медалі, Youtube күміс батырма

Ave Adikus (20 қазан 1992 жыл Жамбыл облысы Тараз қаласында дүниеге келген)^[1] — Қазақстандық Youtube блогер. Қазақстандағы ең алғашқы және әлі күнге дейін жалғыз қазақ тілінде түсіретін, сондай-ақ әлеуметтік, қоғамдық және саяси тақырыптарды қозғайтын Youtube-блогер.

Өмірбаян

AVE ADIKUS-тың шын есімі Әшірбек Әділет Абылайұлы. Ал оның Youtube арнасы «AVE ADIKUS» деп аталады. Ол 1992 жылдың 20 қазанында Тараз қаласында дүниеге келген. Отбасылық жағдайға байланысты 3 жасында Қызылорда облысы, Тереңөзек кентіне көшіп келеді. ^[2] 1999 жылы Тереңөзек кентіндегі Әбділда Тәжібаев атындағы нөмірі 36-шы мектепке бірінші сыныпқа барады. 2004-шы жылы Иса Тоқтыбаев атындағы нөмірі 35-ші мектеп-лицейге ауысып, сол мектепті 2010-шы үздік бітіреді. ҰБТ-дан 125 баллдан 116-балл алады. Болашақ ютубердің видеоға деген сүйіспеншілігі алғашқы рет камерасы бар «нокиа» ұялы телефоны пайда болған кезде байқалады. Анасы телефон алып бере салысымен Әділет ауылында неше түрлі видеолар түсіреді. Сөйтіп осы қасиеттерімен «болашақ youtube-блогер AVE ADIKUS» алғашқы қырларын көрсете бастайды. AVE ADIKUS мектеп бітірген жылы Астана медицина университетіне грантқа түсіп, 7 жылдың жартысын Астанада оқып, 4-шы курсында Ақтөбе қаласындағы Марат Оспанов атындағы Батыс Қазақстан мемлекеттік медицина университетіне ауысып, сол жақты "СТОМАТОЛОГИЯ" мамандығы бойынша үздік дипломмен бітіріп, дәрігер маманы атанады. Группаластарының айтуынша, AVE ADIKUS университетте жүргенде де творчествоға жақын болған. Медицина университетінде жүргеніне қарамастан, түрлі концерттік шараларда жүргізуші болып, университеттің имиджін көтеретін неше түрлі видео шоулар түсірген. AVE ADIKUS-тың осы творчестволық тәжірибелерін барлығы, Әділеттің youtube арна ашып, өзінің блогын түсіруге итермеледі. Сөйтіп университетті бітіретін соңғы курсында, яғни 2017-шы жылы Әділет блог түсіруді бастап кетеді. Ең алғашқы видеосы Youtube желісінде 500 мың қаралым жинап, халықтың ықыласына бірден бөленеді. Әділеттің айтуынша, алғашқысында ол бұл сезімге беріліп кетпей, босаңсымай, бірден келесі блогтарды түсіруге кірісіп кетті. Оның таңдаған блогерлік бағыты, саяси, әлеуметтік, қоғамдық тақырыптарды талқылау, сондай-ақ саяхат бағытындағы влогтарды түсіру. Онымен қоса қайырымды істермен айналысу.^[3] Бір орында тоқтамаған AVE ADIKUS, 2018-шы жылдың шілде айында арнасында 100 мың тіркелуші болғанына орай, Youtube–тан КҮМІС БАТЫРМА алды. Бұл әрбір ютубер үшін үлкен жетістік. Бұл батырманы арнайы АҚШ-тағы Youtube желісінің офисінен салып жібереді. Батырмамен қоса, жанында Ютуб президентінің қолымен құттықтау хаты болады. Youtube-тың барлық қыр-сырларын түсініп алған AVE ADIKUS, содан бері екі жарым жыл бойы Қазақстанның түрлі мәселелерін талқылап, еліміздің түрлі өңірлерге саяхаттап, халыққа көрсетіп, халықтың интеллектін көтеруге күш–жігерін салып келеді.

Жеке өмірі

Әділет отбасында жалғыз бала. Үйленген, қазіргі таңда екі ұлдың әкесі.

Қиыншылықтары

AVE ADIKUS өзінің блогтарында жиі айтатын нәрсе, ол әкесінен ерте айырылған, сондай-ақ 25 жасына дейін пәтерден пәтерге анасы екеуі көшіп жүрген. Яғни 25-жасына дейін пәтерлері болмаған, оқушы кезінде, студент кезінде ортасында қанша белсенді болғаныменде, жеке өмірінде өте көп қиындық көрген. Тіпті үйленген жылы да, келіншегі, анасы үшеуі пәтерден пәтерге көшіп жүрген. Өзінің айтуынша, Әділетті бұл қиындықтан шығарған, ол жігерлік, өз хоббиіне деген сүйіспеншілік, алдыға қарай талпыныс, және де анасы мен келіншегінің моральді тұрғыда қолдауы. Себебі барлығы оның медик болғанын қалаған, Youtube-ты бастаған сәтінде ешқандай туысқаны, танысы Адикусты қолдамаған, және де сенбеген. Бірақ AVE ADIKUS ешкімді де тыңдамай, тек қана өзінің мақсатын көздеп, қазіргі таңда отбасылық, қаржылық, іскерлік, бір сөзбен барлық жетістікке жетіп отыр. Осылай, қарапайым қазақ жігіті, еңбегінің арқасында, бүкіл Қазақстанға әйгілі болып, керемет жетістіктерге жетуде.

Қайырымдылық жасауы

Әділеттің өзі өмірінде көп қиыншылықтар көргеннен кейін, ол қазіргі таңда қайырымдылықпен айналысып, халыққа көмектескенді жақсы көреді. ^[4] AVE ADIKUS, кәсіпкер Мағжан Ералиевпен, сондай-ақ халықпен бірлесіп 2 отбасыға 3-бөлмелі пәтерден тарту етті. ^[5] 10 сәбидің еміне, әрқайсына 1 миллион теңгеден тарту етті. ^[6] Еліміздегі қиын кезеңдерде, мәселең Мақатарал, Арыс жағдайлары кезінде өз тарапынан көмекті аямады. ^[7]

[1] ttps://aqmeshit-zhastary.kz/motivacija/qazaqstandyq-youtube-bloger-zhoqshylyqty-qalaj-zhengdi-6062/

[2] ttps://aqmeshit-zhastary.kz/motivacija/qazaqstandyq-youtube-bloger-zhoqshylyqty-qalaj-zhengdi-6062/

[3] ttps://zhalagash-zharshysy.kz/zanalyk/15072-ave-adikus-halypen-brlesp-nauas-sbid-emne-million-tege-arazhat-berd.html

[4] ttps://qunduzkz.wordpress.com/2021/03/03/%D2%9B%D0%B0%D0%B9%D1%8B%D1%80%D1%8B%D0%BC%D0%B4%D1%8B-%D0%B6%D0%B0%D0%BD%D0%B4%D0%B0%D1%80-%D0%B1%D0%B0%D1%81%D0%BF%D0%B0%D0%BD%D0%B0-%D0%B0%D0%BB%D1%8B%D0%BF-%D0%B1%D0%B5%D1%80%D0%B4%D1%96/

[5] ttps://syrboyi.kz/akparat/ave-adikus-arnasynyng-blogeri-baspanasyz-otbasygha-paeter-syjlady-60059/

[6] ttps://zhalagash-zharshysy.kz/zanalyk/15072-ave-adikus-halypen-brlesp-nauas-sbid-emne-million-tege-arazhat-berd.html

[7] ttps://qarmaqshy-tany.kz/17150-matarala-kmek-krsett.html

[1]

[2]

[3]

[4]

[5]

[6]

[7]