Жолақбас айқабақ
Жолақбас Айқабақ - (лат. Acrocephalus schoenobaenus) - торғайлар сабының Acrocephalасеае тұқымдасының сайрағыш құсы.
| Жолақбас Айқабақ | ||||||||||
|---|---|---|---|---|---|---|---|---|---|---|
.jpg) | ||||||||||
| Ғылыми топтастыруы | ||||||||||
| ||||||||||
| Екі-есімді атауы | ||||||||||
| Acrocephalus schoenobaenus (Linnaeus, 1758) |
Таралу аймақтары өңдеу
Жолақбас айқабақ Қазақстанда республиканың солтүстік және батысындағы қамысты тоспаларда мекендейді.
Биологиялық сипаттамасы өңдеу
Жолақбас Айқабақт - жоны қошқыл қоңырқай, бауыры сарғыштау саз түстес шағын денелі ала шұбар құс. Оның өзге айқабақтардан айырмашылығы - бастың екі жағында - созылған қара жолағының, айқын байқалатын бозғылт қасының болуы.
Ұясын су жақтағы қалың шөптің, қамыс немесе бұталар өркеніне, ылғалды орынға орналастырады. Аналық салындыдағы қызғылт қоңыр секпілді 4-5 жұмыртқаны 13 күн басады . Аталығымен бірге 13-15 күн балапандарды қоректендіреді. Балапандар ұядан ұшқаннан кейін ұзақ уақыт 19 күнге жуық бірге болады. Жолақбас айқабақ оңтүстікке қыркүйек - қазан айларында ұшып кетеді.
Тән ерекшеліктер өңдеу
Айқабактың аталықтары әр құсқа еліктеген әуезімен асыға сайрап, күйттеу кезеңі қызған шақта көбінесе құсойнақ жасап ұшады. Сонымен қатар аталық қамыс әуеге көтеріліп, қанатын баяу қағады да жоғарыға қиғаш ұшады; шарықтай көтеріліп, бір орында біраз қалтырап тұрады, қанатын өте биік көтергендіктен, оның ұштары жанасқандай болып байқалады; бұдан соң қанатын арқасынан жоғары көтеріңкіреп, құйрығын жоғарырақ қиғаш ұстап, көлбеу қалықтайды - құлдырап келіп, қамыс арасына гүрс етіп құлайды - осылардың барлығын сайрап жүріп орындайды.
Сыртқы сілтемелер өңдеу
- Позвоночные животные России: Камышовка-барсучок Мұрағатталған 16 қаңтардың 2014 жылы.
Ортаққорда бұған қатысты медиафайлдар бар: Жолақбас айқабақ
Дереккөздер өңдеу
- Қазақстанның құстары кітабы , Атамұра 2011ж.
- http://birds.sfu-kras.ru/