Жолақ құйрықты игуана

Жолақ құйрықты игуана (лат. Callisaurus draconoides) – бауырымен жорғалаушылар класы, қабыршақтылар отрядына жатады. Өсімдік жамылғысы селдір, тастары аз, құм басқан нағыз шөл және шөлейт жерлерде тіршілік етеді. Сұр түстен ақшыл қоңыр түске дейін құбылатын арқа терісінде қошқыл сұр жолақтары болады. Ол жолақтар құйрық тұсына келгенде қара түске енеді. Тәуліктің ыстық кезінде би билегендей аяқтарын кезек-кезек алмастырып, біресе алдыңғы аяғына, біресе - артқы аяғына тіреліп тұрады. Жолақ құйрықты игуана күйе көбелек, құмырсқа, ара тәрізді жәндіктерді, өрмекшілерді және өзінен кішірек кесірткелерді қорек етеді. Кейде көктемгі өсімдік бүршіктері мен гүлдерін жейді.

Жолақ құйрықты игуана
Ғылыми топтастыруы
Дүниесі: Жануарлар Жамағаты: Хордалылар Табы: Бауырымен жорғалаушылар Сабы: Қабыршақтылар Кіші сабы: Lacertilia Ықшам сабы: Iguania Тұқымдасы: Phrynosomatidae Тегі: Callisaurus Түрі: C. draconoides
Екі-есімді атауы
Callisaurus draconoides Blainville, 1835

Сезім мүшелері

Жолақ құйрықты игуана Америка Құрама Штаттарының оңтүстік-шығысында кеңінен таралған. Ол Мохаве және Колорадо шөлдерінің солтүстігенен бастап, Грейт алабының оңтүстігіне дейін кездеседі. Жүгіріп бара жатқанда - құйрығын арқасына қайырып алады. Сол кезде құйрығының астындағы ақ және қара дақтары анық көрініп, әдемі көрініс береді. Бұл кесірткенің «жолақ құйрықты» аталу себебі құйрығындағы қара және ақ жолақтарына байланысты. Бұл жолақтар қорғаныш қызметін де атқарады. Кесірткенің бұл түрінің көзі жақсы көреді, иісті жақсы сезеді. Негізінен, қорегін бір орында отырып аулайтын бұл кесіртке кейде жемтігін жіберіп алмас үшін 30-40 см жерге секіріп барады.

Дерекккөздер

Ж 24 Жануарлар. – Алматы: “Aруна” баспасы. – 208 бет. – Сер.: “1100 қызықты деректер”. ISBN 978-9965-26-546-4