Жолбарыс тәрізді құм акуласы

Жолбарыс тәрізді құм акуласы тропикалық мұхиттарда кездесетін танымал ең ірі мұхит жыртқышы болып табылады.

Жолбарыс тәрізді құм акуласы
Амандық күйі
Vulnerable (IUCN)
Ғылыми топтастыруы
Дүниесі: Жануарлар Жамағаты: Хордалылар Табы: Шеміршекті балықтар Кіші табы: Elasmobranchii Ұлы сабы: Selachimorpha Сабы: Lamniformes Тұқымдасы: Odontaspididae Тегі: Carcharias Түрі: C. taurus
Екі-есімді атауы
Carcharias taurus Rafinesque, 1810
Синонимдері
Carcharias tricuspidatus Day, 1878

Сыртқы сипаты

Жолбарыс тәрізді құм акуласының ұзындығы 3,2 метрге дейін жетеді және оның екі үлкен артқы жүзбеқанаты бар. Оның тұмсығы сүйірлеу, ал құйрығы ерекше ұзын. Олар ауаны асқазанында сақтайды және бұл су астында қимылсыз жүзіп қоректі іздеуге көмектеседі.

Көбеюі

Құм акуласы жұмыртқалау арқылы көбейеді. 9-12 ай буаздықтан кейін 2 ұрпағын дүниеге алып келеді. Әрқайсысының ұзындығы шамамен 1 метрге жетеді.

Тіршілік ету ортасы

Олар Батыс және Шығыс Атлант, Тынық және Үнді мұхиттарында, Жерорта және Адриат теңіздерінде кездеседі. Ол құмды жағалауға жақын, таяз суларда, өзеннің сағаларында, жартасты және тропиктік рифтерде тіршілік етеді.

Қызықты деректер

Олар балықтырмен, ұсақ акулалармен, скаттар, асшаяндар және шаянтәрізділермен қоректенеді. Олардың электр толқындарын табуға көмектесетін алтыншы сезімі бар. Акуланың бұл түрі көбінесе түнде белсенді болады. Олардың түрі қорқынышты көрінгенімен, жуас акула. Ол адамдар мен жануарларға тек өзін қорғау мақсатында ғана шабуыл жасайды. Жолбарыс тәрізді құм акуласының саны өте аз және жоғалып кету қаупі бар.