Жонғы-ағаш , мүйіз , металл бұйымдарды жону, өңдеу үшін қолданылатын асыл болаттан жасалған құрал. Қос қолдап ұстау үшін екі басы екі тұтам ағашқа немесе мүйізге сапталады. Үйшілер мен арба, шана жасаушылар ағашты кетірерде әуелі қабығын жонғымен сыдырып тазартады. Ағаш өңдеуге арналған жонғының үстірік сүргі, аталғы, сарнауық , бүкір жонғы, т.б. түрлері болады. Жонғының уық , кереге , өре ағаштарға өрнек жүргізгенде қолданылатын ирек тісті түрлерін сарнауық деп, ал түзу сүргілей отырып, ойыс сызатты, дөңес қобылы өрнектер жасау үшін қолданылатын , арнаулы жүз отырғызылған түрін үстірік сүргі деп атайды. Ағашты, мүйізді қырып өңдегенде кедір жүзді, кебелі, қобылы жонғылар қолданылады.
[1]
- ↑ Райымбеков Қ.Ж,Байғабылова Қ.Т "Сен білесің бе?" энциклопедиясы. Алматы: "Аруна" баспасы.-696 бет
