Жоғалған жұмақ

"Жоғалған жұмақ" (ағылш. «Paradise Lost») - Джон Мильтонның 1667 жылы алғаш рет он кітап боп жарияланған эпикалық поэмасы. 1674 жылғы басылымында кітап саны 12ге жетті. Поэма тарихтағы алғашқы адам Адам атаны ақ өлең түрінде жырға қосады. Кітап бірнеше қайтара баспадан шықты және әлемнің көптеген тілдеріне аударылды. Мильтон осы кітаптың жалғасы ретінде "Қайта оралған жұмақ" атты поэма жазды. Мұнда Англияның қызу саяси-қоғамдық өмірі мен автордың тағдыры суреттеледі.

Сюжеті

Шын мәнінде поэма Болмыс кітабы сюжетін христиандық элементтермен дамытады. Шығармада негізгі рөлді азғындаған періште, яғни Сайтан ойнайды. Ол періштелерге қарсы қарулы күресті ұйымдастырады да, адамның күнә арқалауына себепкер болады. Поэмада Адам мен Ева (Хауа) жұптасып өмір сүреді, бірақ күнәһар атанғаннан кейін олардың махаббаттары басқаша сипат алады. Ева мұнда өте көрікті және Адамға тәуелсіз сипатталады. Ол тиым салынған жемісті жеп қояды да, қалғанын өздерінің махаббаттары үшін Адамға жеуді ұсынады. Адам Рафаэль періштенің жеме деп сақтандырғанын ұмытып, Ева берген жемістен дәм татады. Дастанның соңында Адамға ұрпақтарының келешегі мен Мессия келгенге дейінгі болашақ көрсетіледі.