Жоғарғы Соқыр қоңыр көмір кен орны
Жоғарғы Соқыр қоңыр көмір кен орны – Қарағанды қаласынан шығысқа қарай 30 км қашықтықта, Қарағанды көмір алабында орналасқан.
| Жоғарғы Соқыр қоңыр көмір кен орны | |
| 49°47′45″ с. е. 73°15′58″ ш. б. / 49.7959485° с. е. 73.2661057° ш. б. (G) (O) (Я)Координаттар: 49°47′45″ с. е. 73°15′58″ ш. б. / 49.7959485° с. е. 73.2661057° ш. б. (G) (O) (Я) | |
| Ел |  Қазақстан |
| Аймақ | Қарағанды облысы |
| Жану жылуы | 6,7 – 7,1 мың ккал/кг |
| Көмір маркасы | 3Б |
| Теңгерімдік қорлары | 2,15 млрд.т млн т |
| Өңдеу әдісі | ашық әдіс |
Геологиялық құрылымы
өңдеуКен орналасқан Жоғарғы Соқыр синклиналі юра кезеңінің тау жыныстарынан (аргиллит, алевролит, құмтас, конгломерат) түзілген.
Жатыс сипаты, құрамы
өңдеуЖалпы қалыңдығы 900 м. Көмірлі горизонт бес көмір қабатынан тұрады, олардың жалпы қалыңдығы 27,6 м. Көмір қабаттарының құрылысы күрделі, таралымы тұрақсыз. Көмірі күшті метаморфталған, маркасы 3Б, ылғалдылығы 15 – 21%, күлділігі 13 – 21%, күкірті аз (0,5 – 0,8%), қызулығы 6,7 – 7,1 мың ккал/кг. Көмірдің барланған жалпы қоры 2,15 млрд. т, оның 898 млн. тоннасын ашық әдіспен алуға болады, көмір жергілікті отын ретінде пайдаланылады.[1]
Дереккөздер
өңдеу- ↑ АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5