Жыланбалық тәрізді амфиума

Жыланбалық тәрізді амфиума (лат. Amphiuma means) - Солтүстік Америкада тараған құйрықты қосмекенділер отрядына жататын жануар.

Жыланбалық тәрізді амфиума
(Amphiuma means)
Ғылыми топтастыруы
Дүниесі: Жануарлар Жамағаты: Хордалылар Табы: Қосмекенділер Сабы: Құйрықты қосмекенділер Тұқымдасы: Амфиумалар
Екі-есімді атауы
Amphiuma means Garden in Smith, 1821

Биологиялық сипаттамасы

Дене пішіні құрт тәрізді. Түсі - қара-қоңырдан қараға дейін. Ұзындағы - 35 см-ден 76 см-ге дейін жетеді. 1 м 16 см-лік уәкілі де кездескен. Аяқтары өте кішкене, 2-3 саусағы бар, көзі шала дамыған әрі тері қабықпен жабылған.

Балаңқұрттарының желбезегі болады, ересектерінде желбезек болмайды, бірақ бұларда жұп желбезек саңлаулары өмір бойы сақталады.

Жыланбалық тәрізді амфиума судағы ұсақ омыртқасыздар, құрт, шаян тәрізділер және ұсақ моллюскілермен, балықтармен қоректенеді.

Таралуы

Жыланбалық тәрізді амфиума АҚШ-тың оңтүстік-шығысында батпақты шалшық суларда Виргиния жағалауында, оңтүстік Миссисипида тіршілік етеді. Бірақ сусыз жерде де ұзақ уақыт бола алады.

Сыртқы сілтемелер

• Ортаққорда бұған қатысты медиафайлдар бар: Жыланбалық тәрізді амфиума

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
• Roger Conant, Joseph T. Collins: A Field Guide to Reptiles & Amphibians. Eastern and Central North America. The Peterson Field Guide Series, Houghton Mifflin Company, Boston und New York 1998.