Жылантәрізді аллолобофора (перелия)

Жылантәрізді Аллолобофора (перелия) (лат. Perelia ophiomorpha, Allolobophora ophiomorpha) – Саны азайып бара жатқан түр.ТМД жеріндегі ең ірі жауын құрттарының (ұзындығы 250–300 мм) бірі. Солтүстік-батыс Алтайда таралған және Тарбағатай жотасының оңтүстік беткейінен табылған. Тау етегі далалы-шалғынды және таулы-орманды аймақтарда кездеседі, өзен текшелері арқылы далалы аймаққа өтеді. Тереңдігі 50 см інде тіршілік етеді. Топырақ бетінде жиналған түскен жапырақтармен және шөптесін өсімдіктердің жасыл бөліктерін ін қуысына тасып қоректенеді, сонымен қатар қарашірікті де пайдаланады. Топырақтың беткі қабатына тығыз тау жыныстарының және шағыл тастардың жақын болуы санының шектелуіне кәдімгідей әсер етеді. Тың жердің игерілуі де санының төмендеуіне әкеліп соқты.Түрді қорғау үшін жергілікті халыққа түрдің топырақ құнарлылығы үшін пайдалы екендігін түсіндіру қажет.Сонымен қатар саны аса жоғары емес жерлерде қорықшалар ұйымдастыру керек.

Дереккөздер

Ғажайып омыртқасыздар. Қазақстан Қызыл кітап беттерінен. Құрастырушылар И.Д.Минтяев, Р.В. Ященко, В.Л. Казенас.