Жіті коронарлы синдром

Жіті коронарлы синдром - миокард инфарктісін немесе тұрақсыз стенокардияға күмән тудыратын кез келген симптомдар және клиникалық көріністер.

Жіті коронарлы синдромның түрлері:

• ST тісшесінің жоғарылауымен көрінетін миокард инфарктісі;
• ST тісшесінің жоғарылауынсыз крінетін миокард инфарктісі;
• Кардиоспецификалық ферменттер, биомаркерлер, ЭКГ соңғы кезеңінде жасағанда анықталатын миокард инфарктісі;
• Тұрақсыз стенокардия;

Жіті (жедел) коронарлы синдром диагнозы жеке нозология болып табылмайды. Науқас ауруханаға келген соң «Жіті коронарлы синдром» диагнозы басқа диагнозға ауысуы керек. Ол келесілер: тұрақсыз стенокардия, Q тісшесімен миокард инфарктісі, Q тісшесі жоқ миокард инфарктісі, тұрақты стенокардия немесе басқа ауру.

Патогенезі

Жіті (жедел) коронарлы синдром патогенезінде келесі факторлар басты орынды алады:

• Атеросклеротикалық түйін жарылуы емесе эрозиясы;
• Әртүрлі сатыдағы коронарлы артерия тромбозы;
• Коронарлы артерия спазмы;
• Коронарлы артерия дистальды эмболизациясы;
• Қабыну;

Атеросклеротикалық түйіндердің жарылуы немесе эрозиясы оның тұрақсыздығы келесі себептермен байланысты:

• Липидтік ядроның үлкен көлемі;
• Коллаген зақымдалуымен, жіңішке фиброзды капсула;
• Біріңғай салалы бұлшықеттер төмен тығыздығы;
• Макрофагтардың жоғары концентрациясы;

Клиникалық көрінісі

Жедел коронарлы синдром ST тісшесінің төмендеуінсіз жүретін түрінде екі нозологиялық формаға бөлінеді. Олар тек симптомдардың айқын көрінуімен ғана ерекшеленеді десе де болады. Бұл екеуіне ST тісшесіндегі өзгеріссіз инфаркт миокарды және тұрақсыз стенокардия жатады.