Жүйек

Қысқаша мәлімет

Жүйек – көкөніс дақылдарын өсіру үшін арнайы қолдан жасалған топырақ жоталары. Жүйектің биіктігі 15 – 70 см, ені 90 – 105 см, ұзындығы әр түрлі болады. Оны арнаулы құралдармен немесе күрекпен жасайды. Жүйек жасағанда аралықтарында ені 35 – 50 см ор түзіледі. Ордан ығыстырылған топырақтан Жүйекте құнарлы, тез жылынатын қопсыңқы қабат пайда болады. Жүйек көбіне жер асты суы топырақтың беткі қабатына жақын, өте ылғалды, су нашар сіңетін топырақтарда қолданылады. Жүйек топырақтың шектен тыс ылғалдылығының зиянды әсерін кемітіп, ауа, жылу алмасуын жақсартады. Қазақстанның солтүстік, солтүстік-батыс аймақтарында және оңтүстік суармалы аудандарында көкөніс дақылдары, көбінесе, Жүйекке егіледі.