Жүргізуші куәлігі

Жүргізуші куәлігі (көбінесе — «құқығы») — көлік құралдарының әртүрлі санаттарын басқаруға (жүргізуге) құқығын растайтын құжат.

Жүргізуші куәлігі көбінесе мынадай көрінетін элементтерден тұрады:

1) жүргізуші және жүргізуші куәлігі туралы мәліметтер;

2) иесінің фотосуреті және қолы;

3) жол полициясы емтихан қабылдау бөлімшесінің мөрі;

4) интегралдық микросхема;

5) түс бетінде орналасқан мәліметтер сипаттамасы.

Интегралдық микросхема мынадай мәліметтерді құрайды:

жүргізуші куәлігі туралы:
- сериясы мен нөмірі;
- берілген күні;
- емтихан қабылдау бөлімшесі мөрінің нөмірі;
жүргізуші туралы:
- тегі, аты, әкесінің аты;
- туған күні және жері;
- тұрғылықты жері;
- салық төлеушінің тіркеу нөмірі (СТН);
- жеке басын куәландыратын құжаттың түрі, сериясы, нөмірі және берілген күні;
- фотосуреті;
көлік құралын жүргізу рұқсаты туралы:
- рұқсат етілген санаттар;
- жүргізуші куәлігінің жарамды болу мерзімінің аяқталуы;
- айрықша белгілер'^[1]

Дереккөздер

↑ Жүргізуші куәлігінің және көлік құралдарын тіркеу туралы куәліктің жаңа үлгілерін енгізу туралы ( (қаз.) (орыс.)). Әділет ҚР нормативтік құқықтық актілерінің ақпараттық-құқықтық жүйесі (27 қараша 2000). Тексерілді, 3 ақпан 2013.