Жұбанов атындағы көше (Алматы)

Жұбанов атындағы көше. Көшеге қазақтың кәсіби музыка өнері мен музыкатану саласының негізін салушылардың бірі, композитор, музыкатанушы, дирижер, тарихшы, Қазақстанның халық әртісі, Қазақстан Ғылым академиясының академигі Ахмет Қуанұлы Жұбановтың есімі (Алматы қаласы атқару комитетінің 10.03.1969 №81 шешімі) берілді. Жұбанов Ахмет Қуанұлы (1906-1968) Ақтөбе облысында дүниеге келген. Ол - «Абай», «Құрманғазы» операларының, бірнеше аспапты және вокалды шығармалардың авторы. А. Жұбанов ондаған спектакльдер мен фильмдерге музыка жазған. Құрманғазы атындағы Мемлекеттік оркестрді құрып, сол ұжымда дирижерлік еткен.

Көше қаланың шығысынан батысына қарай 1 және 2-шағынаудандарды жанай өтіп, Мате-Залка көшесінен басталып, Сайын көшесіне дейін созылып жатыр. Көше Алатау, Әуезов аудандарын қиып өтеді. Бұрынғы атауы - №6 магистраль. Кешенін ұзындығы - 1400 метр.

Көше бойында «Қарлығаш» рестораны, Әуезов ауданының Неке сарайы, шағын сауда орталықтары орналасқан.[1]

ДереккөздерӨңдеу

  1. Алматы көшелері. Анықтамалық энциклопедия. – Алматы: “ИП Волошин” баспасы, 2009. ISBN 978-601-7157-18-0