Жұлдызша нейроцит

Жұлдызша нейроцит(лат. neurocytus stellatus neuron — жүйке, kytos — жасуша) — ми қыртысының сұрзатында, мишық қыртысының молекулалы және дәнше қабаттарында орналасқан, мөлшері әртүрлі, пішіні жұлдыз тәрізді нейроцит. Мишықтағы жүлдызша нейроциттер алмұрт тәрізді нейроциттердің шамадан тыс қозуын тежейді. Үлкен ми сыңарлары қыртысындағы ішкі және сыртқы дәнше қабаттарындағы жүлдызша нейроциттер аралық нейроциттер қызметін атқарады. Көздің торлы қабығының ішкі ядролы қабатында бір немесе екі қатарда орналасқан горизонтальды нейроциттердің дендриттері фоторецепторлық нейроциттердің аксоңдарымен байланысып, пресинаптикалық тежеу қызметін атқарады.