Жұмабек Сүлейменұлы Төрегелдинов

Жұмабек Сүлейменұлы Төрегелдинов 1946 жылы 13 қыркүйекте Алматы қаласында туған. Қазақ

Жұмабек Сүлейменұлы Төрегелдинов

Әкесі - Төрегелдинов Сүлеймен (1912-1997). Анасы -Төрегелдинова Зейнеш (1913-1974).

Алматы темір жол техникумын (1965) техник-механик мамандығы бойынша; Ташкент көлік инженерлері институтын (1975) инженер-механик мамандығы бойынша; Қазақ ұлттық аграрлық университетін (2003) заңгер мамандығы бойынша бітірген.

Қазақ және орыс тілдерін біледі.

«Нұр Отан» ХДП мүшесі (1999 жылдан).

1966 жылдан - локомотив депосында машинистің көмекшісі. 1966 жылдың сәуір айынан - Кеңес Әскерінің қатарында қызметте. 1969жылдыңқаңтар айынан-Темір жол басқармасының жол тепловозы зертханасында слесарь. 1969 жылдың маусым айынан - локомотив депосында динамометриялық вагонның электрмеханигі . 1971 жылдан - жол тепловозы зертханасында аға инженер. 1977 жылдан - динамометриялық сынау вагонының бастығы. 1980 жылдан - локомотив депосында аға шебер, 1981 жылдың желтоқсанайынан-партия комитетінің хатшысы. 1988 жылдың қазан айынан - Алматы темір жол торабының партия комитетінің хатшысы. 1990 жылдың қаңтар айынан - Октябрь аудандық Халық депутаттары кеңесі төрағасының орынбасары, 1992 жылдың мамыр айынан -төрағасы. 1993 жылдың қазан айынан - Алматы қаласының Октябрь аудандық әкімшілігі басшысының бірінші орынбасары. 1994жылдың сәуір айынан-Алматы қалалық мәслихатының хатшысы.

2002 жылдан бері - ҚР Парламенті Сенатының депутаты, Заңнама және құқықтық мәселелер комитетінің мүшесі. Аудандық, қалалық Халық депутаттары кеңестерінің (1982), мәслихаттың депутаты. ҚР Мәслихаттары хатшыларының үйлестіру комитетінің төрағасы. ТМД елдері интеграциялық кеңесінің мүшесі.

Құрметті теміржолшы (1996). Алматы қаласының Құрметті азаматы (2002).

«Құрмет» орденімен (2001); «Астана» (1998), «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005) медальдарымен марапатталған.

Қазақстанның болашағы туралы болжамы - «Әлемнің бәсекелестікке ең қабілетті 50 елінің қатарындағы экономикасы өркендеген, демократиялық мемлекет».

Хоббиі - үлкен теннис, тау шаңғысы, волейбол, бильярд.

Сүйіп оқитын әдебиеті - тарихи повестер.

Үйленген. Жұбайы - Терегелдинова Нұрия (1955 жылы туған). Қызы - Төрегелдинова Әлия (1980 жылы туған): Немересі -Кәмила (2006 жылы туған).