Жұмамәді Ибаділдин

Ибаділдин Жұмамәді (1950 жылы т.), инженер құрылысшы, қоғам қайраткері. Ұлытаудың түлегі. Найман тайпасының Бағаналы руынан шыққан.

Қарағанды политех. институтын бітірген (1973). 1973-1997 жылы Жезқазған облыстық а. ш. басқармасыңда инженер, бас инженер, құрылыс ұйымдары және жобалау тобынын жетекшісі, Жезказған қалалық атқару комитетінің күрделі құрылыс бөлімінің бастығы, қалалық жоспарлау комиссиясының төрағасы, Жезқазған облыстық халыққа қызмет көрсету басқармасы бастығының орынбасары, қалатком төрағасының орынбасары, 1-орынбасары, Жезқазған облыстық халыққа қызмет көрсету басқармасының бастығы, Жезказғандағы «Ұлытау» бірлескен кәсіпорнының бас директоры. 1995-2005 жылы Жезқазған қаласының әкімі (1997-98 ж. Қарағанды облысы әкімінің орынбасары). 2005 жылы облыс әкімінін кеңесшісі. Ибаділдин аймақ экономикасын алға бастыру саласында біршама жемісті еңбек етті, Ұлытау-Жезқазған өңірі тарихын терең зерделеп, оның көне ескерткіштері мен табиғат байлығына асқан жанашырлықпен қараған білікгі басшы. «Жер кіндігі. Жезқазған сердце Евразии» (2004) кітабының авторы.