Жұрт майлар

Жұт майлар — салт.

Халқымыздың көшіп-қонып жүретіні баршаға аян. Әрине, мұндайда олар жаңа жерге қонады, көрші-қолаңдарына қонақасы береді. Бірақ мұның бәрі "жұрт майлар" емес. "Жұрт майларға" - жаңадан жер алғанда, жаңа үй салғанда ғана жасалады. Оған көңілжетер адамдар, туған-туыстар шақырады. Бұл шағын тойдан кем болмайды. Ақсақалдар бата беріп, жақсы тілек тілейді. Домбыра тартылып, ән шырқалады. Жаңа жұрт қазақ жұртшылығы үшін есте қаларлық күндердің бірі саналады. Сондықтан да оны дастарқан жайып атап өту салтқа, қазақы қалыпқа айналған.