Жәкен Мұқанова

Мұқанова Жәкен (1903-1946), өндіріс озаты, Қарағанды көмір бассейніне қарасты №3 шахтаның көмір қопарушысы. 1941 жылдын 22 маусым күні шахтаға жұмысқа тұрып, көмір қазушы мамандығын тез меңгеріп, жоспарын 130-140%-ға асыра орындады. Соғыстың алғашқы күндерінде барлык әйелдерге: «Майданға кеткен ерлердің орнын басайық!» деген үндеуін тастады. Оның бұл үндеуі үй шаруасыңдағы әйелдер тарапынан кеңінен қолдау тауып, Қарағанды кеншілері арасындағы әйелдердің үлесі 1942 жылы 16%-ға,ал соғыстың соңында 34,5%-ға дейін есті. Еңбек Қызыл Ту орденімен марапатталды.