Зайролла Дүйсенбекұлы Дүйсенбеков

Зайролла Дүйсенбекұлы Дүйсенбеков 1937 жылы 18 қазанда Павлодар облысының Баянауыл ауылында туған. Қазақ. Қазақ мемлекеттік ауылшаруашылық институтын бітірген (1960), ғалым-агроном. Ауыл шаруашылық ғылымдарының докторы (1985), профессор. Қазақ ауылшаруашылық ғылымдар академиясының академигі (1994), ҚР Ұлттық ғылым академиясының академигі (1996). 225 ғылыми еңбектің, монографияның, көмекші оқу құралдары мен мақалалардың авторы. 1960-1962 жылдары - Павлодар облысы «Баянауыл» кеңшарының бас агрономы. 1961 жылдан - Қазақ ауыл шаруашылық институтының егін шаруашылығы және тәжірибе ісінің әдістемесі кафедрасының аспиранты, ассистенті, аға оқытушысы, доценті, профессоры, 1962-1993 жылдары - кафедра меңгерушісі, 1974-1984 жылдары - Қазақ ауылшаруашылық институты агрономия факультетінің деканы. 1994-1995 жылдары - Қазақ мемлекеттік жерге орналастыру жобалау институтының (Қазгипрожер) директоры. 2004-2007 жылдары - Мемлекеттік жер ресурстары және жерге орналастыру ғылыми-өндірістік орталығының (МемжерҒӨО) бас директоры. 2005 жылдан бері - ҚР ҰҒА Орталық Қазақстан бөлімшесі филиалының төрағасы. «Қазақстанның жер ресурстары» журналының бас редакторы, ғылым және ҰГЗ-технологиялары жөніндегі кеңесші «Құрмет» орденімен; «Тыңға 50 жыл», «Қазақстан Конституциясына 10 жыл», «Қазақстан Парламентіне 10 жып» «Астананың 10 жылдығы» медальдарымен; «Жұмыстағы үздік табыстары үшін», «Құрметті жерге орналастырушы" белгілерімен; ҚазКСР Жоғарғы Кеңесінің грамотасымен және т.б. сыйлықтармен марапатталған.

• Қазақстанның Еңбек сіңірген қайраткері.
• Саяси қайраткер ретіндегі идеалы - Ф. Рузвельт, Н.Ә. Назарбаев.
• Қазақстанның болашағы туралы болжамы - «Табиғат және жер ресурстарының әлеуетін тиімді пайдаланудың ғылымның дамуы мен азаматтардың зияткерлік әлеуетінің мүмкіндіктері негізіндегі елдің экономикалық және әлеуметтік еркендеуі».
• Хоббиі - табиғат, тарих жайлы әдебиет, «ТАӨ» сериясы
• Сүйіп оқитын әдебиеті - М. Әуезов, I. Есенберлин.
• Үйленген. Жұбайы - Қусайынова Күлбаршын Құсайынқызы
• Ұлы - Дүйсенбеков Ержан Зайроллаұлы, жерді және жылжымайтын мүлікті бағалау маманы; қызы - Дүйсенбекова Гүлжан Зайроллақызы, заңгер.