Зебра акуласы

Зебра акуласы (лат. Stegostoma fasciatum) – қарапайым акула. Олар Үнді,Тынық Мұхиты су жағалауын мекендейді. Олар- зебра тәрізді акуланың жалғыз өкілі. Бұл акуланың «зебра» деп аталуына оның зебраға ұқсас жолақтары себеп болған.Ол Батыс тропикалық Тынық мұхиты мен Үнді мұхитының 5-30 м тереңдігінде тіршілік етеді. Бұл акуланың денесі иілгіш болғандықтан, ол түрлі саңылаулар мен тап-тар суасты үнгіріне кіре алады. Жас акуланың денесі сары түсті жолақтармен сызылған сияқты. Мұндай жолақтар акуланың жас ерекшелігінен де хабар береді.Уақыт өте келе,олардың үстінде қоңыр, қара дақтар пайда болады. Зебра акуласы өте баяу қозғалады. Ол көбінесе мұхит түбіндегі маржанды рифтің топырағвн немесе тау жыныстарын мекендейді. Олар түнде топырақ арасынан шығып,жыбырлап жүрген кішкентай шаянтәрізді бунақденелерді, балықтарды және ұлуларды тауып жейді. Ең ірі зебра акуласының ұзындығы 3,6м. Шағылысудан кейін зебра акуласының аналығы көп жұмыртқа салады. Жұмыртқасының түсі- қара күлгін.

Зебра акуласы
Амандық күйі
Vulnerable (IUCN3.1)
Ғылыми топтастыруы
Дүниесі: Жануарлар Жамағаты: Хордалылар Табы: Шеміршекті балықтар Кіші табы: Elasmobranchii Сабы: Orectolobiformes Тұқымдасы: Stegostomatidae T. N. Gill, 1862 Тегі: Stegostoma J. P. Müller & Henle, 1837 Түрі: S. fasciatum
Екі-есімді атауы
Stegostoma fasciatum (Hermann, 1783)
Синонимдері
Scyllia quinquecornuatum van Hasselt, 1823 Scyllium heptagonum Rüppell, 1837 Squalus cirrosus Gronow, 1854 Squalus fasciatus Hermann, 1783 Squalus longicaudus Gmelin, 1789 Squalus pantherinus Kuhl & van Hasselt, 1852 Squalus tigrinus Forster, 1781 Squalus varius Seba, 1759 Stegostoma carinatum Blyth, 1847 Stegostoma tigrinum naucum Whitley, 1939 Stegostoma varium Garman, 1913

Жас зебра акуласы