Зеброид

Зеброид — зебра мен кез-келген ат тұқымдасы арасында пайда болған шата ұрпақ. Көп жағдайда, еркегі - зебра айғыры болады. Есектің айғыры мен зебраның ұрғашысынан шыққанды Донкра деп аталады; ал жылқының айғыры мен зебраның ұрғашысынан шыққанды гебра деп аталады. Олар бірақ сирек кездеседі және бедеу болады. Зеброидтер ХІХ ғасырдан бері өсіріліп келеді. Чарльз Дарвин өз еңбектерінде бірнеше зебра будандарын атап өткен болатын.

Зеброид түрлері өңдеу

Зорс өңдеу

Гибридті квагга тәрізді зебра мен жылқы буданы, Уолтер Ротшильд зоологиялық мұражайы, Тринг, Англия.

Зорс (Equus zebra x Equus caballus, ағылшын. zebrula, zebrule, zorse) - жылқының айғыры мен зебраның биесін шағылыстыру арқылы алынған хайуан. Олардың түрі - жылқы, жолағы - зебра. Жолағы кейде барлық денесінде болады, кейде жарым-жартылай ғана көрініс табады. Көбінде аяқтарында және мойны мен сауырында болады.

Зорс зебраның үш тұқымында және жылқының барлық түрінде кездеседі. Сол себепті де оның сырт келбеті әр түрлі болуы мүмкін.

Аталық ізді жылқыдан алғанымен зорстың қыңырлығы зебраға тартқан. Оны малдану, үйрету және салт міну аса қиын. Қыңырлығы басынан асады. Сондықтан да көп жерде зорсты пайдаланғысы келетіндер көп болғанымен, ілікке жарататындар сирек.

Зорстың бір ерекшелігі - жылқыда да, зебрада да кездесетін ауруларға төтеп бере алатындығы. Соның нәтижесінде қазіргі кезде әлемде зорстардың саны артып келеді.

Әлемдегі ең алғашқы зорс - Лорд Мортон 1815 жылы дүниеге келді. Бір қызығы оның енесі араб тұқымды бие, ал айғыры (әкесі) квагга зебра (дала зебрасы) болатын.

Өкініштісі әлемдегі соңғы жабайы квагга 1878 жылы өлді. Ал зоопарктегі соңғы квагга 1883 жылы Амстердамда келмеске кетті.

Зорс та жылқы секілді құлынын 11 ай көтереді. Қаранғыда өте жақсы көреді. Зорстың құлыны туған соң бір сағаттың ішінде жүріп кетеді. 15-30 жылға жуық өмір сүруге қабілетті.

Зорстың шоқтық биіктігі - 130-163 см, салмағы - 230-450 кг. Ең жоғары жылдамдығы - 64 км/сағ.

Зорстар көбінде Африкада кездеседі. Дегенмен Еуропа мен Азияда да "зебраттарды" кездестіруге болады.

Зорс туралы 2003 жылы лондондық The Coronets тобы "Song For the Zorse" (Зорс туралы жыр) әнін жазса, 2007 жылы Забрина есімді зорс "I’m Reed Fish" (Менің атым Рид Фиш) фильмінде "ойнады".

Галлерия өңдеу

Гибрид зебра мен жылқы буданы
Гибрид зебра мен жылқы буданы
Гибрид зебра мен есек буданы
Гибрид зебра мен есек буданы (Оңтүстік Африка)
Зидоңк есегі
Зорс
Зорс шешесімен
Зорс. 1899 ж. зебра-жылқы гибридінің немесе зорстың фотосы. Эварттың Пеникюик эксперименттері. «Ромулус: 1 жаста.