Зоя Михайловна Бызова

Зоя Михайловна Бызова (1 тамыз 1930 жылы туған, Алтай өлкесі, Алтай ауданы) — ғалым, биологиялық ғылыми кандидат (1971).

ҚазМУ-ді бітірген (1953). 1957 — 88 ж. Қазақстан ҒА-ның Ботаника институтында кіші, аға ғылыми қызметкер болды. Негізгі ғылыми еңбектері микология мәселелеріне арналған. 22 ботаникалық экспедицияға қатысқан. Жиналған ғылыми мәліметтерді саралау нәтижесінде төмендегі сатыдағы өсімдіктер флорасы жүйеленді. Ол жасаған саңырауқұлақтардың гербарийлері институттың архивтік қорына енді. Бызова Қазақстан саңырауқұлақтарының таралу ареалдарына талдау жасап, микофлораның республика жерінде қалыптасу тарихын зерттеді, саңырауқұлақтардың 80 туысына, 1000 түріне (оның ішінде ғылымға белгісіз 130 жаңа түріне) ғылыми сипаттама берді.

Қазақстан Мемлекет сыйлық лауреаты (1988).

Шығармалары

• "Сумчатые грибы, 1. : Протоаскомицеты (Protoascomycetes) - Эуаскомицеты (Euascomycetes)", М. Бызова, М. П. Васягина ; отв.ред. : Б. А. Томилин. - Алма-Ата : Наука КазССР, 1981. - 244 с. : ил., табл. - Библиогр.: с. 228-233. - 700 экз..;
• “Несовершенные грибы - fungi imperfecti (Deuteromycetes), Кн. 3 : Сферопсидные - Sphaeropsidales“, З. М. Бызова [и др.] ; отв.ред. : С. Р. Шварцман. - Алма-Ата : Наука КазССР, 1970. - 558 с. : ил., табл. - Библиогр.: с. 465-497. - 1000 экз.;