Ибрагим Тілеуұлы Тоқболатов

Ибрагим Тілеуұлы Тоқболатов 1949 жылы 3 шілдеде Қызылорда облысы Қармақшы ауданының Жосалы кентінде туған. Қазақ. Әкесі - Тоқболатов Тілеу, марқұм. Анасы - Епенова Қанзи, марқұм. С.М. Киров атындағы Қазақ мемлекеттік университетінің заң факультетін бітірген (1974), құқықтанушы. Сот құрылымының мәселелері, материалдық және процессуалдық заңнамалардың проблемалары туралы мақалалардың авторы. КОКП мүшесі (1978-1991). 1967 жылдан - Жосалы механикалық зауытында токарьдің шәкірті, токарь. 1969 жылдан - С.М. Киров атындағы Қазақ мемлекеттік университетінің студенті. 1974 жылдан - Қызылорда облысы Арал аудандық сотында судья қызметіне сынақ мерзімінен өтуші; Қызылорда облыстық сотында сынақ мерзімінен өтуші-сот мүшесі. 1976 жылдан - Қызылорда облыстық сотының мүшесі. 1985 жылдан - Қызылорда облысы Жалағаш аудандық сотының төрағасы. 1990 жылдан - Қызылорда облыстық сотының мүшесі. 1995 жылдан бері - ҚР Жоғарғы сотының судьясы. Жалағаш аудандық халық депутаттары кеңесінің депутаты (1986-1990). «Қазақстан Республикасының тәуелсіздігіне 10 жыл» (2001), «Қазақстан Конституциясына 10 жыл» (2005), «Астананың 10 жылдыгы» (2008) мерейтой медальдарымен; ҚазКСР әділет министрінің (1982, 1987), КСРО әділет министрінің (1979), облыстық сот төрагасының (1987), ҚР Судьялар одағының (2002), ҚР Жоғарғы сот төрағасының (1999, 2003) құрмет грамоталарымен марапатталған.

• Әскери атағы - аға лейтенант.
• Қазақстанның болашағы туралы болжамы - «Экономикалық тұрғыдан дамыған, басқа елдерге ықпал ететін мықты саяси құрылымға ие мемлекет».
• Хоббиі - балық аулау, табиғат аясында демалу.
• Сүйіп оқитын әдебиеті - көркем әдебиет.
• Үйленген. Жұбайы - Төреханова Гүлсім (1952 жылы туған).

Ұлдары - Руслан (1974 жылы туған), Талғат (1976 жылы туған); қыздары Әлия (1981 жылы туған), Райхан (1987 жылы туған), Нүрия (1988 жылы туған).