Ивонн Фаррелл
Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Ивонн Фаррелл (1951 жылы) — ирландиялық сәулетші және ғалым. 2008 жылы Миландағы Боккони университетінің ғимараты үшін World Building of the Year марапатын иеленген Grafton Architects ұйымының бірлескен құрылтайшысы.[1] 2016 жылы Лима, Перудағы Universidad de Ingeniería y Tecnología ғимаратының жобасы бойынша бірінші халықаралық RIBA сыйлығын жеңіп алды[2] және 2020 жылы Корольдік "Алтын медалімен" марапатталды.[3] 2017 жылы Шелли Макнамарамен бірге 16-шы Венециялық сәулет биенналесінің кураторы болып тағайындалды.[4] 2020 жылы Макнамарамен бірге Притцкер сәулет сыйлығына ие болды.
| Ивонн Фаррелл | |
| ағылш. Yvonne Farrell | |
 Ивонн Фаррелл 2015 жылы | |
| Жалпы мағлұматтар | |
|---|---|
| Азаматтығы | |
| Туған күні | |
| Туған жері | |
| Жұмысы мен жетістіктері | |
| Білімі | |
| Басты құрылыстары |
Боккони университетінің ғимараты, Universidad de Ingeniería y Tecnología,т.б. |
| Ескерткіштерді жаңғырту | |
| Марапаттары |
Джейн Дрю премиясы (2015), Корольдік Алтын медалі, Притцкер сыйлығы (2020) |
Мансабы
өңдеуИвонн Фаррелл Дублин университетінің колледжінде сәулет өнерін оқып, 1974 жылы тәмамдаған. Ол 1977 жылы Шелли Макнамарамен бірге Дублинде Grafton Architects сәулетшілер ұйымының негізін қалады. Сонымен қатар Ивонн Фаррелл — 1990 жылдары Дублиндегі Темпл-Бар ауданын жаңғыртуға ат салысқан 91-ші сәулетшілер тобының мүшесі, негізін қалаушы.
Графтон сәулетшілері 2002 жылы Венеция биенналесінде Ирландияның атынан шығып, 2008 жылы қайтадан көрмеге қатысуға ұсынылды. Олардың Миландағы Боккони университетінің жобасы 2008 жылы World Building of the Year сыйлығына әрі үлкен танымалдыққа ие болды.[5] 2009 жылы Дублин орталығындағы Қаржы министрлігінің ғимараты Civic Trust Award азаматтық сенім сыйлығын, сонымен қатар, Ирландия Сәулет қауымдастығының арнайы сыйлығын алды.
Фаррелл 1976 жылдан бастап Дублин университетінің колледжінде сабақ берді және 2008 жылдан бастап Швейцарияның Мендризио қаласындағы Сәулет академиясында арнайы шақырылған профессор қызметін атқарды. Ол 2010 жылы Гарвард жоғары дизайн мектебінде Кензо Танге кафедрасын басқарды және қазіргі уақытта Лозаннадағы Федералды политехникалық мектебінде сабақ береді. Ивонн Фаррелл Осло, Стокгольм, Берлаге, Йель, Буффало, Сент-Луис, Канзас-Сити және Тампа сияқты Еуропалық және Американдық сәулет мектептерінде дәріс оқиды.
Фаррелл — Ирландия Корольдік сәулетшілер институтының мүшесі, Британдық сәулетшілер Корольдік институтының құрметті мүшесі және Ирландияның өнер ұйымы Aosdána-ның сайланған мүшесі. Ол Дублин университеті колледжінің адъюнкт-профессоры қызметін де атқарады.[6] 2019 жылдың қараша айында Фаррелл және оның Grafton Architects ұйымындағы серіктесі Шелли Макнамара Nui Galway құрметті атағына ие болды, ал 2019 жылдың сәуірінде олар Дублиннің Тринити колледжінің құрметті докторлық дәрежесін алды.[7] Ивонн Фаррелл және Макнамара 2020 жылы Притцкер сәулет сыйлығын жеңіп алып, осы марапатқа ие болған төртінші және бесінші әйел атанды.[8]
Сілтемелер
өңдеуДереккөздер
өңдеу- ↑ Yvonne Farrell
- ↑ RIBA International Awards 2021
- ↑ Grafton Architects wins 2020 RIBA Royal Gold Medal
- ↑ Yvonne Farrell And Shelley McNamara Appointed Curators Of Venice Architecture Biennale
- ↑ Universita Luigi Bocconi by Grafton Architects
- ↑ Venice Architecture Biennale to be curated by UCD adjunct professors
- ↑ Honorary Degrees 2018-19
- ↑ Pritzker Prize 2020